İtaliya A Seriyasının 4-cü turunda Domeniko Tedeskonun çalışdırdığı Bolonya səfərdə Napoliyə 0:1 hesabı ilə məğlub olub. Komanda mövsümə olduqca uğursuz başlayıb.
Referans Media xəbər verir ki, A Seriyasının 4-cü turunda Napoli doğma meydanda Bolonyanı qəbul edib. “Dieqo Armando Maradona” stadionunda keçirilən qarşılaşmada meydan sahibləri 1:0 hesabı ilə qalib gəlib.
Qələbə qolunu Lobotka vurdu
Görüşün ilk hissəsində hesab açılmayıb. Napoli 66-cı dəqiqədə Stanislav Lobotkanın qolu ilə önə keçib. Qarşılaşmanın qalan bölümündə hesab dəyişməyib və Napoli 3 xalı aktivinə yazdırıb.
Napoli 2 tur sonra qalib gəldi
Son iki turda Komo və İnterə məğlub olan Napoli bu nəticə ilə uğursuz seriyasına son qoyub. Komanda xallarının sayını 6-ya yüksəldib.
Bolonyada vəziyyət daha da pisləşir
Domeniko Tedesko üçün isə vəziyyət heç də ürəkaçan deyil. Bolonya mövsümün ilk 4 turunda 3-cü məğlubiyyətini alıb. Komanda bu müddətdə cəmi 1 xal toplaya bilib.
Beləliklə, Tedesko rəhbərliyində Bolonya A Seriyasına olduqca zəif start verib və turnir cədvəlinin aşağı pillələrində qərarlaşıb.
Növbəti turun oyunları
Növbəti turda Napoli səfərdə Fiorentina ilə qarşılaşacaq. Bolonya isə doğma meydanda Torinonu qəbul edəcək.
İtaliya A Seriyası
4-cü tur
11 sentyabr
Venesiya – Fiorentina 2:4
12 sentyabr
Cenoa – Frozinone 1:1
Latsio – Milan 2:2
Atalanta – Kalyari 1:2
13 sentyabr
Leççe – Montsa 3:2
Napoli – Bolonya 1:0
Sassuolo – Yuventus 3:2
