“ABŞ ordusunun vurulan F-15 qırıcı təyyarəsinin ikinci pilotunu xilas etmək əməliyyatı uğursuz olub”.
Referans Media xəbər verir ki, bunu İranın Xatəm əl-Ənbiya Hərbi Komandanlığının Mərkəzi Qərargahının sözçüsü İbrahim Zülfəqari deyib.
“İki “Black Hawk” helikopteri və bir C-130 hərbi nəqliyyat təyyarəsi də daxil olmaqla düşmənin hava hədəfləri İsfahanın cənubunda vurulub”, – deyə o bildirib.
Əlavə edilib ki, zərbələrdən sonra ABŞ Silahlı Qüvvələrinin texnikası alovlanıb.
Qeyd edək ki, bundan əvvəl ABŞ Prezidenti axtarış-xilasetmə əməliyyatının uğurla başa çatdığını elan etmişdi.
O, ikinci pilotun İran dağlarında cəbhə xəttində olduğunu bildirmişdi. Ağ Ev sakini vurğulamışdı ki, amerikalı əsgər yaralanıb./Globalinfo.az
