ABŞ Prezidenti Donald Trampın ikinci prezidentlik müddətinin ilk 18 ayı ərzində 175 mindən çox əcnəbinin vizası ləğv edilib.
Referans Media xəbər verir ki, bu barədə “Reuters” agentliyi ABŞ Dövlət Departamentinə istinadən məlumat yayıb.
Bildirilib ki, 2025-ci ilin yanvarından etibarən ölkədə qalma şərtlərini pozan, qanun pozuntularına yol verən, ABŞ vətəndaşlarına qarşı zorakılığa çağırış edən, vətəndaşlara qarşı dələduzluqda iştirak edən, immiqrasiya sistemindən sui-istifadə edən və ya milli təhlükəsizliyə təhdid yaradan 175 mindən çox əcnəbinin vizası ləğv olunub.
Məlumata görə, vizaların ləğvi haqqında qərar daimi yoxlamalar nəticəsində qəbul edilib.
