İngiltərə Premyer Liqasının 34-cü turunda “Brayton” öz meydanında “Çelsi” ilə qarşılaşıb və rəqibini 3:0 hesabı ilə məğlub edib.
Ferdi Kadıoğlu matça çox sürətli başlayaraq artıq 3-cü dəqiqədə hesabı açıb və komandasını önə keçirib. Bu qol həm də futbolçunun bu mövsüm Premyer Liqada vurduğu ilk qol olub.
“Brayton”un digər qollarını 56-cı dəqiqədə Cek Hinshelvud və 90+1-ci dəqiqədə Denni Uelbek vuraraq komandasının böyük qələbəsini rəsmiləşdiriblər.
Turnir cədvəlində vəziyyət
Bu qələbədən sonra “Brayton” xallarının sayını 50-yə çatdırıb. “Çelsi” isə 48 xalla qalıb.
Növbəti turda “Brayton” səfərdə “Nyukasl Yunayted” ilə qarşılaşacaq. “Çelsi” isə öz meydanında “Nottinqem Forest” komandasını qəbul edəcək.
İngiltərə Premyer Liqası
34-cü tur
21 aprel
Brayton – Çelsi 3:0
Qollar: F.Kadıoğlu, 3. Hinselvud, 56. Uelbek, 90+1.
