“Kontakt” mağazalar şəbəkəsi Qafqaz regionunda bir ilkə imza ataraq Avropanın ən böyük elektronika ittifaqı – “Euronics”in rəsmi tərəfdaşı seçildi. İttifaqa üzvlük yerli bazarda lider mövqeyə sahib, rəsmi və keyfiyyətli dünya brendləri ilə partnyorluq edən, həmçinin müştəri yönümlü fəaliyyət prinsiplərinə əsaslanan şirkətlərə təqdim olunur.
“Euronics”lə əməkdaşlıq “Kontakt”a Avropa təcrübəsini ölkə bazarında tətbiq
etmək, eyni zamanda öz bilgi və yanaşmalarını beynəlxalq platformada bölüşmək
imkanı yaradır. Artıq kontakt.az saytında “Euronics nişanı” da bu əməkdaşlığı
rəsmi şəkildə əks etdirir.
Müştərilər üçün hansı üstünlüklər var?
“Euronics” üzvlüyü sayəsində “Kontakt” daha geniş məhsul seçimi, sərfəli
şərtlər, eləcə də xidmət və dəstək sahəsində əlavə güclənmə fürsətləri əldə edir.
“Kontakt” mağazalar şəbəkəsinin baş direktoru Həsən İsrafilzadə bu partnyorluğu
belə dəyərləndirir:
“Müştəri xidmətlərinə Avropa dəyəri qatmaq bizim üçün həm məsuliyyətli, həm də
həyəcanverici bir mərhələdir. Qürurla deyə bilərik ki, bu gündən müştəri mərkəzli
yanaşmamız Avropa təcrübəsi ilə daha da möhkəmlənir”.
“Euronics” – Avropanın 37 ölkəsində, 7000-dən çox müstəqil mağazanı bir çətir
altına toplayan və etibarlı texnologiyanı geniş istehlakçı auditoriyasına çatdıran
pərakəndə güclərin birləşdiyi bir mərkəzdir. Bu qlobal təşkilatın əsas missiyası isə
elektronika məhsullarını rəsmi və keyfiyyətli təchizatçılardan yüksək xidmət
səviyyəsi ilə təmin etməkdir.
“Kontakt” – Azərbaycanda 50-dən çox mağaza və 100-dən artıq beynəlxalq
brendin rəsmi partnyorluğu ilə illərdir regionda öz liderliyini qoruyub saxlayır.
Üstəlik, ölkə sərhədlərini aşan şəbəkə Gürcüstanda 4 mağaza olaraq fəaliyyət
göstərir və ilsonuna kimi fəaliyyət zonalarını bir qədər də genişləndirməyi
hədəfləyir.
