Türkiyə Prezidenti Rəcəb Tayyib Ərdoğan İstanbuldakı Böyük Çamlıca Məscidində keçirilən 333 nəfərin Hafizlik İcazə Mərasiminə qatılıb.
Referans Media “Yeni Sabah”a istinadla xəbər verir ki, mərasimdə iştirak edən hafizlər üçün proqram Qurani-Kərim tilavəti ilə başlayıb.
Prezident Ərdoğan mərasim zamanı “Aşr-ı Şerif” oxuyub.
O, mərasimdən sonra iştirakçılarla birlikdə cümə namazı qılıb. Xütbə türk, ərəb, ingilis və yapon dillərində oxunub.
Ərdoğanın bu görüntüləri sosial mediada sürətlə yayılıb və izləyicilər tərəfindən maraqla qarşılanıb.
