Qəzzada su böhranı dərinləşərək əhalinin həyatına ciddi təsir göstərir. İsrailin hücumları və blokadası nəticəsində su infrastrukturunun böyük hissəsi sıradan çıxıb, yanacaq çatışmazlığı isə mövcud sistemlərin fəaliyyətini demək olar ki, dayandırıb.
Yerel rəsmilərin məlumatına görə, su mənbələrinin təxminən 95 faizi dağıdılıb, təmir işləri isə lazımi səviyyədə aparıla bilmir. Yay mövsümünün yaxınlaşması ilə vəziyyətin daha da ağırlaşacağı gözlənilir.
Qəzzada yaşayan və didərgin düşən insanlar gündəlik olaraq uzaq məsafələrdən su daşımağa məcbur qalır. Su çatışmazlığı və keyfiyyətsiz içməli su isə xəstəlik riskini artırır.
Hazırda bölgədə 2,4 milyon əhalinin təxminən 1,9 milyonu evlərini tərk edib və ağır şəraitdə çadırlarda və sığınacaqlarda yaşayır. Ümumilikdə, su, elektrik və digər əsas xidmətlərin çatışmazlığı humanitar böhranı daha da dərinləşdirir.
