“Ölkələrin dəstəyi ilə icmaların və özəl sektorun imkanlarını genişləndirmək, milli prioritetlərə daha çox resurs ayırmaq mümkündür”.
Referans Media xəbər verir ki, bunu ICESCO-nun Baş direktoru Salem bin Məhəmməd Əl-Malik VII Ümumdünya Mədəniyyətlərarası Dialoq Forumu çərçivəsində Bakıda keçirilən “Tərəfdaşlıqdan birgə fəaliyyətə: süni intellekt dövründə mədəniyyətlərarası dialoq naminə qlobal qarşılıqlı fəaliyyətin gücləndirilməsi” mövzusunda xüsusi birgə sessiyada çıxışı zamanı deyib.
O bildirib ki, bu istiqamətdə iki prioritet müəyyənləşdirilməlidir: proqramların mövcud fəaliyyətlərlə uzlaşdırılması və müvafiq maliyyələşmənin təmin edilməsi.
Salem bin Məhəmməd Əl-Malik ICESCO-nun öz təcrübəsini bölüşməyə hazır olduğunu vurğulayıb. Onun sözlərinə görə, Bakı Tövsiyəsi bu sahədə praktiki təcrübənin formalaşdırılmasına imkan yarada bilər.
ICESCO-nun Baş direktoru Bakı Prosesinə verdiyi töhfəyə görə Azərbaycan Prezidenti İlham Əliyevə təşəkkür edib./Musavat.com/
