İran mediası paytaxt Tehranda daxili reyslər üçün istifadə olunan Mehrabad Hava Limanı, bir sinaqoq və Tehranpars ilə Səadətabad rayonlarında yerləşən yaşayış ərazilərinin gecə saatlarından etibarən ABŞ və İsrailin hücumlarına məruz qaldığını bildirib.
Dövlət televiziyasının məlumatına görə, hədəflər arasında Tehranpars və Səadətabadda yaşayış məntəqələri, İnqilab bölgəsində sinaqoq, Mehrabad Hava Limanı və Hakim magistral yolu üzərində bir nöqtə yer alıb.
Hücum nəticəsində magistral yol üzərində yerləşən elektrik transformator məntəqəsinə ziyan dəydiyi qeyd olunub.
Bundan əlavə, Mevləvi bölgəsindəki ticarət obyektlərinin də hücumdan zərər gördüyü bildirilib.
