Televiziya dünyasında yeni mövsüm heyəcanı artdıqca, məşhur televiziya kanallarının təqdim edəcəyi iddialı layihələr də bir-bir gün işığına çıxır.
Referans Media xəbər verir ki, yeni mövsümün ən çox danışılan və böyük maraqla gözlənilən ekran işlərindən biri olan "Hamal" serialı, həm güclü ssenarisi, həm də heyranedici aktyor heyəti ilə indidən diqqət mərkəzindədir.
Məşhur türk aktyorları Oktay Kaynarca, Fahriye Evcen və Caner Cindoruku eyni layihədə bir araya gətirən serial, yayımlanmadan böyük rezonans doğurub.
Türkiyənin ATV kanalında nümayiş olunacaq bu iddialı yapım, ulduz heyəti sayəsində təkcə Türkiyədə deyil, ölkə xaricindəki geniş izləyici kütləsinin də diqqətini çəkməyi bacarıb.
Yayım tarixi və günü nə vaxt bəlli olacaq?
Televiziya həvəskarlarının ən çox maraqlandığı məqam isə serialın nə vaxt başlayacağı və həftənin hansı günü yayımlanacağıdır. Yeni mövsümdə bir çox layihənin təqdimat tarixi dəqiqləşsə də, "Hamal" serialının dəqiq premyera günü ilə bağlı kanaldan və ya prodüser şirkətindən hələlik rəsmi bir açıqlama verilməyib.
Televiziya kulislərindən sızan məlumatlara və analitiklərin ehtimallarına görə, serialın sentyabr ayı ərzində izləyicilərin ixtiyarına verilməsi gözlənilir. Dəqiq yayım günü və ilk seriyanın anonsunun isə yaxın günlərdə kanal tərəfindən rəsmən elan ediləcəyi bildirilir.
