Moldova hökuməti MDB-nin təsis müqavilələrindən – Birlik Sazişi, Nizamnamə və Almatı Bəyannaməsindən çıxmasını təsdiqləyib.
Referans Media xəbər verir ki, qərar hökumətin iclasında qəbul edilib.
Dövlət katibi Sergey Mixov tərəfindən hökumətə təqdim edilən sənədlərdə deyilir:
“MDB-nin yaradılması haqqında 8 dekabr 1991-ci ildə Minsk şəhərində imzalanmış saziş və həmin sazişə 21 dekabr 1991-ci ildə imzalanmış protokol denonsasiya olunur. Bundan əlavə, 22 yanvar 1993-cü ildə Minskdə qəbul edilmiş MDB-nin Nizamnaməsi də denonsasiya edilir”.
Dövlət katibi qeyd edib ki, Avropa İttifaqına qoşulma prosesi qaçılmaz olaraq, Moldovanın Aİ üzvyünə namizəd statusu ilə bir araya sığmayan MDB öhdəliklərindən imtina etməsini tələb edir. Mixov əlavə edib ki, MDB üzvləri ilə gələcək qarşılıqlı əlaqələr əsasən ikitərəfli müqavilələrə əsaslanacaq.
