Astrologiyaya görə, bəzi insanlar doğulduqları andan etibarən azad ruhla yaşayır və heç bir qayda-qanunu qəbul etmirlər. Onlar üçün müstəqillik sadəcə bir seçim deyil, yaşam tərzidir. Başqalarının dediyinə boyun əymək, sərhədlərlə yaşamaq bu bürclərin xarakterinə tamamilə ziddir.
Publika.az doğuluşdan azadlıq eşqi ilə yaşayan və heç bir məhdudiyyətə dözə bilməyən 3 bürcü təqdim edir:
Oxatan
Oxatan bürcü azadlığın simvoludur. Daim yeni üfüqləri kəşf etməyə can atan bu insanlar üçün sərhədlər və qaydalar bir qəfəs kimidir. Fəlsəfi düşüncə tərzi və pozitiv yanaşmaları ilə öz yollarını cızmaqdan çəkinmirlər. Nə sevgi münasibəti, nə də iş həyatı onların azadlıq ehtiyacını məhdudlaşdıra bilməz. Bir Oxatanı idarə etməyə çalışmaq, onu itirmək deməkdir.
Dolça
Yenilikçi və yaradıcı Dolçalar üçün fərdilik və müstəqillik həyatda ən önəmli dəyərlərdir. Onlar ənənəvi düşüncə tərzinə qarşı çıxmağı sevir, qaydalara əməl etməkdənsə, öz yol və üsullarını seçirlər. Duyğusal baxımdan da məsafəli ola bilən Dolçalar, heç kimə tam bağlanmaq istəmirlər. Zehni azadlıqları onlar üçün həyati əhəmiyyət daşıyır və hər cür məhdudiyyətə qarşı ciddi müqavimət göstərirlər.
Qoç
Qoç bürcü enerjili, cəsur və lider ruhludur. Başqalarının göstərişi ilə yaşamaq bu bürc üçün dözülməzdir. Onlar qərarları özləri vermək və təşəbbüsü əllərinə almaq istəyirlər. Məhdudiyyətlər Qoçların enerjisini azaldır və motivasiyalarını öldürür. Hərəkətli və tez qərar verən təbiətləri onları daim öz yollarını açmağa və azad şəkildə irəliləməyə sövq edir.
