Məşhur şəxslərlə bağlı aparılan narkotik vasitələrin istifadəsinə dair istintaq çərçivəsində saxlanılaraq həbs edilən keçmiş hakim Elif Karaarslanın narkotik test nəticəsi açıqlanıb.
Referans Media xəbər verir ki, Məhkəmə Tibb İnstitutu tərəfindən götürülən qan, sidik və saç nümunələrinin analizinə əsasən, onun test nəticəsinin müsbət olduğu bildirilib.
Məlumata görə, Karaarslanın orqanizmində kokain və metamfetamin izlərinə rast gəlinib.
İstanbul Baş Prokurorluğunun apardığı istintaq çərçivəsində 19 nəfər saxlanılmış, onlardan 8-i məhkəmə qərarı ilə həbs edilib, digərləri isə nəzarət şərti ilə sərbəst buraxılıb. Elif Karaarslan da həbs edilən şəxslər arasında yer alıb.
Hadisə İstanbulun Beşiktaş rayonunda fəaliyyət göstərən əyləncə məkanlarında aparılan əməliyyat zamanı üzə çıxıb.
Bundan əlavə, Karaarslanın həbsdən sonra sosial media hesabında abunəlik sistemini deaktiv etdiyi də bildirilib.
