Cənubi Koreyanın paytaxtı Seulda havanın temperaturunun 38 dərəcəyə çatacağı proqnozlaşdırıldığı üçün şəhərdə ilk dəfə ən yüksək səviyyəli isti hava xəbərdarlığı elan edilib.
Yerli KİV-in məlumatına görə, mayın 15-dən bəri paytaxtda isti hava ilə əlaqədar 2 nəfər ölüb, 185 nəfər isə müxtəlif istilik mənşəli xəstəliklərdən əziyyət çəkib.
Şəhər üzrə təxminən 4 min məntəqə sakinlər üçün sərinləmə sığınacağı kimi müəyyən edilib. Cənubi Koreyanın Daxili İşlər Nazirliyi vətəndaşlara zərurət olmadıqca çölə çıxmamağı, sərin yerlərdə qalmağı və bol su qəbul etməyi tövsiyə edib.
