Sumqayıt şəhəri, Corat qəsəbəsində dənizdə boğulan şəxsə zəruri tibbi xidmətlər göstərilib.
Bu barədə Referans Media-ya Tibbi Ərazi Bölmələrinin İdarəetmə Birliyindən məlumat verilib.
Bildirilib ki, Sumqayıt Tibb Mərkəzinin Təcili Tibbi Yardım Xəstəxanasına 2004-cü il təvəllüdlü oğlan hospitalizasiya olunub.
Dənizdə boğulma təhlükəsi diaqnozu təyin edilən pasiyentə zəruri tibbi xidmətlər göstərilib. Hazırda müalicəsi davam etdirilir, vəziyyəti stabildir.
