Real Madridin sabiq baş məşqçisi Karlo Ançelotti, Rio-de-Janeyrodakı məşhur Karnaval festivalında diqqət çəkən görüntülərlə gündəmə gəlib. Meydandan kənar ciddi və soyuqqanlı davranışı ilə tanınan Ançelotti, festivalda tam fərqli bir obraz sərgiləyib.
Referans Media xəbər verir ki, 66 yaşlı İtalyan məşqçi festival zamanı bir neçə qadınla rəqs edib və öpüşüb, bu anlar isə kameraya düşərək sosial şəbəkələrdə sürətlə yayıldı. Rəngarəng atmosferdə əyləncəli və gülərüz görünən Ançelotti, izləyiciləri həm təəccübləndirib, həm də əyləndirib.
Meydandan kənarda ciddi taktiki analizləri ilə məşhur olan Ançelottinin karnaval coşqusuna qapıldığı anlar futbolsevərlər arasında geniş müzakirələrə səbəb olub. Onun bu cür sərbəst və əyləncəli davranışı həm sosial media izləyicilərini təəccübləndirib, həm də festivalın canlı enerjisini ekranlara gətirib.
