İspaniya La Liqasının 15-ci həftəsində “Real Madrid” evdə “Selta Vigo”ya 2-0 hesabı ilə məğlub olub. Bu gözlənilməz məğlubiyyət Madrid klubunu şoka salıb və İspaniya mətbuatında geniş şəkildə işıqlandırılıb.
Referans Media xəbər verir ki, La Liqanın 15-ci həftəsində “Real Madrid” “Selta Viqo”nu qəbul edib. “Santyaqo Bernabeu” stadionunda keçirilən görüşdə “Selta Viqo” 2:0 hesabı ilə qalib gəlib. “Real Madrid”in futbolçusu Fran Qarsiya 64-cü dəqiqədə ikinci sarı vərəqəyə görə qırmızı vərəqə alıb, Alvaro Karreras isə 90+3-cü dəqiqədə qırmızı vərəqə alıb. “Selta Viqo”nun heyətində Villiot Svedberq 54 və 90+3-cü dəqiqələrdə qol vurub.
Arda Gülər matça ilk 11-də başlayıb və 75 dəqiqə meydanda qalıb. “Selta Viqo” 2006-cı ildən sonra ilk dəfə “Santyaqo Bernabeu”da “Real”ı məğlub edib. “Real Madrid”in “Selta Viqo”ya gözlənilməz məğlubiyyəti İspaniya mətbuatında geniş əks-səda doğurub.
Madridlilərin həm hesabda, həm də oyununda gözləntilərin geridə qaldığı qarşılaşma idman səhifələrində “liderlik böhranı”, “oyun çöküşü” və “hakim mübahisəsi” başlıqları ilə dəyərləndirilib. İspan idman qəzetləri xüsusilə müdafiədəki nasazlıqları və meydanda liderlik çatışmazlığını vurğuladılar.
Bəzi şərhçilər məğlubiyyətin “adi bir məğlubiyyət” olmadığını, əksinə komanda daxilində davam edən struktur problemlərini ortaya qoyduğunu bildirdilər.
