Kalininqrada gedən Rusiyanın yük gəmisinə zərbə endirildi

Rusiyanın Baltik dənizi sahilindəki Kalininqrad vilayətinə gedən “Sparta II” adlı yük gəmisi Finlandiya körfəzinin beynəlxalq sularında iki pilotsuz uçuş aparatının (PUA) hücumuna məruz qalıb. Hadisə nəticəsində gəmidə zədələnmə və yanğın baş verib.

Referans Media haberler.com-a istinadən xəbər verir ki, hücum Rusiyanın sahillərindən təxminən 3 dəniz mili məsafədə, Qoqland adası yaxınlığında baş verib.

Leninqrad vilayətinin qubernatoru Aleksandr Drozdenko ekipajın təxliyəsinə ehtiyac olmadığını və vəziyyətin nəzarət altında olduğunu bildirib.

Finlandiya Müdafiə Nazirliyi mülki əhalinin təhlükəsizliyini təmin etmək və zərurət yaranarsa PUA-lara müdaxilə etmək məqsədilə ərazidə dəniz və hava hərəkətinə müvəqqəti məhdudiyyətlər tətbiq edib.

Finlandiyanın Baş naziri Petteri Orpo hadisə ilə bağlı ölkə rəsmilərinin araşdırma apardığını bildirib və Ukraynanın ona hücum edən tərəfə qarşı mübarizə aparmaq hüququna malik olduğunu vurğulayıb.

Estoniya polisi və sərhəd mühafizə qüvvələri isə gəmidə partlayışlar baş verdiyinə dair məlumat aldıqlarını açıqlayıb. İsveçin Baş naziri Ulf Kristersson da hadisəni izlədiklərini və Finlandiyaya yardım təklif etdiklərini bildirib.

Referansaz.az-ı Google seçilmiş mənbələrinə əlavə edin
Xəbərlərimizi Google-da daha asan izləyin!

  • whatsapp
  • messenger
  • telegram
  • vkontakte
  • odnoklassniki