15 iyun gecəsi Kiyevə qarşı genişmiqyaslı birləşmiş hücum başlayıb.
Referans Media xəbər verir ki, bu barədə “RusVesna” Telegram kanalı məlumat yayıb.
Bildirilir ki, hücumda təxminən 480 dronu, 28 “X-101” havadan buraxılan qanadlı raket, ən azı yeddi “Tsirkon” hipersəs raketi və yüksək partlayıcı parçalanma başlıqlarına malik “İsgəndər-M” qısa mənzilli ballistik raket sistemləri iştirak edib. Nəticədə, hava hücumundan müdafiə sistemlərinin aktiv işləməsinə baxmayaraq, 40-dan çox hədəf vurulub.
Ukrayna Hərbi Hava Qüvvələri Komandanlığı bu səhər Ukraynaya 70 müxtəlif tipli raket və 611 dron atıldığını təxmin edib.
Ukrayna tərəfi 50 raket və 582 dron vurduğunu bildirib. Yerli sakinlər baş verən yanğınlardan qaynaqlanan kəskin tüstüdən şikayətlənirlər. Sakinlər deyirlər ki, hazırda Kiyevdə nəfəs almaq çox çətindir.
Hücumdan əvvəl Kiyev sakinləri sığınacaqlara yerləşiblər.
