"Fənərbaxça"nın ulduz futbolçusu Marko Asensionun uşaqlıq illərinə aid görüntülər sosial mediada böyük marağa səbəb olub. İspaniyalı futbolçunun kiçik yaşlarındakı görüntüləri ilə indiki halının eyni videoda bir araya gətirilməsi pərəstişkarların diqqətini çəkib.
Referans Media xəbər verir ki, futbola hələ erkən yaşlarda başlayan Asensionun illər əvvəl çəkilmiş görüntüləri sosial mediada paylaşılıb. Videoda ulduz futbolçunun uşaqlıq dövründən kadrlarla onun indiki görünüşü bir arada təqdim edilib. Görüntülər qısa müddətdə minlərlə bəyənmə toplayıb və futbolsevərlərin marağına səbəb olub.
Asensionun uşaqlıq görüntülərini görən "Fənərbaxça" azarkeşləri onun keçdiyi yolu vurğulayan çoxsaylı şərhlər yazıblar. Bəzi pərəstişkarlar paylaşımın altında “Haradan-haraya, indi bu uşağı bütün dünya tanıyır” ifadəsini işlədərək ispan ulduzun illər ərzində keçdiyi böyük dəyişiklik və inkişafı qeyd ediblər.
Asensionun uşaqlıq görüntüləri onun futbola olan marağının çox erkən yaşlarda başladığını bir daha göstərib. İllər ərzində peşəkar karyerasında böyük uğurlar qazanan ispaniyalı futbolçu artıq dünya futbolunun tanınmış simalarından birinə çevrilib.
Hazırda "Fənərbaxça" formasını geyinən Asensionun uşaqlıq görüntülərinin yenidən gündəmə gəlməsi isə futbolçunun keçmişi ilə bu gününü müqayisə edən maraqlı paylaşımların artmasına səbəb olub.
