İsrailin baş naziri Benyamin Netanyahu canlı yayım zamanı İranın oğullarından birinə sui-qəsd cəhdi etdiyini iddia edib. Netanyahu bu açıqlaması ilə bağlı İsrail mediasında aylardır qüvvədə olan yayım qadağasını da pozmuş olub.
Referans Media xəbər verir ki, İsrailin Kanal 14 televiziyasında yayımlanan proqrama telefonla qoşulan Netanyahu gündəmlə bağlı sualları cavablandırıb.
Söhbət zamanı İsrail baş naziri İranın oğullarından birini hədəf alan sui-qəsd cəhdi həyata keçirdiyini irəli sürüb. Netanyahu iddianın detalları barədə isə geniş məlumat verməyib.
Netanyahunun açıqlamasından sonra İsrailin “Yedioth Ahronoth” qəzeti diqqətçəkən məlumat yayıb.
Qəzetin məlumatına görə, İranın Netanyahu oğullarından birinə sui-qəsd təşkil etməyə çalışması ilə bağlı məlumatın ictimaiyyətə açıqlanmasına aylardır qadağa qoyulub. Netanyahu isə bu məlumatı canlı efirdə səsləndirməklə sözügedən yayım qadağasını pozub.
Netanyahu proqramda qarşıdan gələn seçkilərlə bağlı da mesajlar verib. İsrail baş naziri səslərin parçalanmaması üçün seçiciləri kiçik sağ partiyalara səs verməməyə çağırıb.
Netanyahu həmçinin İsrail ordusunun son dövrdə Suriyaya qarşı həyata keçirdiyi hücumlara toxunub. O, bu əməliyyatların seçkiqabağı siyasi məqsədlərlə və ya əlavə səs qazanmaq üçün həyata keçirilmədiyini müdafiə edib.
