Tacikistan ilə Qırğızıstanın sərhəd zonasında üç dəfə ard-arda zəlzələ qeydə alınıb.
Referans Media xəbər verir ki, bu barədə Qırğızıstan Milli Elmlər Akademiyasının Seysmologiya İnstitutu məlumat yayıb.
Bildirilir ki, yeraltı təkanlar təxminən 1 saat 15 dəqiqə intervalında (Bakı vaxtı ilə 01:34-02:50 radələrində) baş verib. Zəlzələlərin gücü şkala üzrə 3,5 - 5,5 bal arasında qiymətləndirilir.
İnstitutun məlumatına əsasən, zəlzələ ən güclü şəkildə Qırğızıstanın Bor-Döbə, Sarı-Taş, Taldı-Suu, Nura, Qara-Kindik, Sarı-Mokol və İrkeştam yaşayış məntəqələrində (3-5 bal gücündə) hiss olunub./Musavat.com/
