Apple bəzi iPhone istifadəçilərini süni intellekt funksiyaları ilə bağlı yanıltdığı iddiaları üzrə açılan məhkəmə işini 250 milyon dollar ödəməklə bağlamağa razılaşıb.
Kaliforniya federal məhkəməsinə təqdim edilən razılaşmaya əsasən, şirkət hər hansı səhv etdiyini qəbul etməsə də, genişmiqyaslı kollektiv iddianı bu yolla həll edib.
İddialara görə, “Apple Intelligence” adlanan süni intellekt funksiyaları, o cümlədən Siri ilə bağlı yeniliklər reklamda şişirdilmiş və reallığı tam əks etdirməyib.
Razılaşma çərçivəsində 2024-cü ilin iyunundan 2025-ci ilin martınadək iPhone 15 və iPhone 16 alan istifadəçilərə 25–95 dollar arası kompensasiya ödəniləcək.
İddia tərəfi bildirir ki, Apple mövcud olmayan və ya təqdim edilməyən funksiyaları “inqilabi yenilik” kimi təqdim edib. Şirkət isə açıqlamasında əsas diqqətin istifadəçilərə yenilikçi məhsullar təqdim etməyə yönəldiyini vurğulayıb.
