Ermənistanın Milli Şərab Mərkəzinin prezidenti Avaq Arutyunyan Azərbaycanı erməni konyakına qarşı “kampaniya” aparmaqda ittiham edib.
Rusiya dövlət standartlarına və qanunvericiliyinə uyğun gəlməyən erməni konyaklarının Rusiya bazarında payının 85 faizə yüksəlməsi erməniləri əməlli-başlı narahat edib.
Arutyunyan deyib ki, “Soyuzkonyak”ın başında Azərbaycan-Dağıstan nümayəndələri dayanır. Bu səbəbdən də onlar açıq şəkildə Rusiya bazarında erməni konyaklarının satılmasını istəmirlər və müxtəlif maneələr yaratmağa çalışırlar.
Arutyunyanın sözlərinə görə, Qarabağdakı son müharibədən və Ermənistan-Rusiya münasibətlərinin kəskinləşməsindən sonra rəsmi Moskva gözlənilmədən konyakın saxta olmaması ilə bağlı yeni tələb irəli sürüb.//Globalinfo.az
