Goranboyda piyadanı vurub sonra özü vəfat edən sürücü barədə bəzi detallar məlum olub.
Dünən axşam saatlarında Goranboy rayonu Qaradağlı kənd sakini, 1965-ci il təvəllüdlü Sadıqov Qəzənfər Musa oğlu idarə etdiyi “Hyundai” markalı avtomobillə Düzqışlaq kənd ərazisində qeydiyyatsız yaşayan 1964-cü il təvəllüdlü Gəncəli Əsgərovu vurub.
Sürücü yaralını dərhal şəxsi avtomobili ilə Gəncə şəhərinə xəstəxanaya aparmaq istəyib. Qəza zamanı ağır xəsarətlər alan Gəncəli Əsgərov yolda vəfat edib. Bundan qorxan sürücü Qəzənfər Sadıqov isə Gəncə şəhərinin girişində sükan arxasında ürək tutmasından dünyasını dəyişib.
Hadisə yerinə hüquq mühafizə orqanlarının əməkdaşları cəlb olunub. Faktla bağlı araşdırma aparılır.//
Bizim.Media
