Güclü külək əsən kimi sakinlər qorxurlar ki, hər an binanın fasadından üzlük daşı qopacaq. Belə bir təhlükəli vəziyyət paytaxtın Nəsimi rayonunda yaşanır. Ərazidə yaşayanlar iddia edirlər ki, 14 mərtəbəli binanın üzlük daşları qopub yerə düşür. Bəs tikinti şirkəti niyə təhlükənin qarşısını vaxtında almır?
Çoxmərtəbəli binanın üzlük daşları qopub tökülür.
Bura paytaxtın Nəsimi rayonu Həzi Aslanov küçəsidir. 2008-ci ildə ”Konsul” MTK tərəfindən tikilərək sakinlərin istifadəsinə veərilən 14 mərtəbəli binanın fasadında bir neçə vaxtdır problemlər yaranıb. Sözügedən binanın yaxınlığında yaşayan İlahə Məcidova iddia edir ki, bu hal bir neçə dəfə təkrar olunub ki, bu da ərazidən keçənlər üçün ciddi təhlükə yaradır.
”Biz hər zaman burdan keçirik həmişə də təhlükə ilə üz-üzə qalırıq. Burda daş yağışı olur. Yəni binanın üzü dalbadal tökülür. Mən hər səhər itimlə burdan keçəndə görürəm tökülüb tez də yığışdırırlar. Tək bizim bu H.Aslanov küçəsi yox, binanın Talstoy küçəsinə olan hissəsində də tökülmə var”.
Sakinlər deyirlər ki, yaranmış təhlükəli vəziyyətlə bağlı tikinti şlirkətinə də məlumat veriblər. İlahə Məcidova onu da iddia edir ki, fasaddan qopan üzlük daşı bir avtomobilə də zərər vurub.
”İş orasındadır ki, bu binanın altında otel var. Burdan hər an əcnəbilər keçir. Nəvaxta qədər başlı-başınalıq olacaq. Gərək kiminsə başına düşüb ölsün sonra ölçü götürülsün?. Burdan mənim uşağım keçir, ailəm keçir, qonşum keçir olmaz axı belə”.
Üzlük daşların qopmasından adıçəkilən tikinti şirkətinin də məlumatı var. Bəs hadisə baş vermədən niyə təhlükəli vəziyyətin qarşısı alınmır?
Binanın komendantı Ağa Əhmədov bilidirib ki, məsələ nəzarət altındadır
”Bir dəfə olub hardasa 6-7 ay əvvəl. Biz onda yolu bağladıq camaat keçməsin. Daşı çıxarıq sonra yolu açdıq. Bəs digərlərinin qopma ehtimali var?. Yoxdur biz onları yoxlamışıq. Bir də vətəndaş iddia edir ki, bir maşının üstünə düşüb. Ondan xəbərim yoxdur”.
Komendant onu da əlavə etdi ki, qopan üzlük daşların yerinə yeniləri əlavə ediləcək.
