Cənubi Amerika ölkəsi Surinamda, Kanadalı Founders Metals şirkəti tərəfindən həyata keçirilən qazma işləri nəticəsində sənaye standartlarından yüksək saflığa malik bir qızıl yatağı kəşf edilib. Kəşf edilən nəhəng rezervin bütün dünyaya yetəcəyi bildirilib. Aparılan analizlərdə 22,5 metr uzunluğunda bir sahədə ton başına 11,88 qram (g/t) qızıl aşkarlanıb.
Referans Media xəbər verir ki, Founders Metals şirkətinin Maria Geralda sahəsində apardığı ilk qazma işlərində, 22,5 metr boyunca uzanan və ton başına 11,88 qram qızıl ehtiva edən yüksək keyfiyyətli yatağa rast gəlinib. Mədənçilik sahəsində “yüksək keyfiyyət” sərhədi olaraq qəbul edilən ton başına 10 qram eşiğinin aşılması, bu kəşfin əhəmiyyətini daha da artırır.
Ekspertlər bildirir ki, bu yataq həm həcmi, həm də saflıq baxımından qlobal miqyasda diqqət çəkir.
Kəşf, təxminən 1,7 milyard illik geoloji tarixə malik və dünyanın ən zəngin mineral kəmərlərindən biri sayılan Qviana Qalxanı üzərində həyata keçirilib.
Mütəxəssislər deyir ki, bölgədəki çat xətləri boyunca zamanla kuvars və qızıl zəngin mayelərin yığılması, yatağın yüksək keyfiyyətli olmasında əsas rol oynayıb.
