İrlandiyalı müdafiəçi Kallum Makvey 23 yaşında vəfat edib.
Referans Media xəbər verir ki, İrlandiya Futbol Federasiyası futbolçunun ailəsinə başsağlığı verən bəyanat yayıb.
“Prezidentimiz Konrad Kirkvud 23 yaşında vəfat edən Kallum Makveyin vəfatı ilə bağlı başsağlığı verib. Kallum 2019-cu ildə “Stil end Sons” kubokunu qazanan “Linfield Svifts” komandasının üzvü olub və həmçinin “Portadaun”, “Ards”, “Nokbreda” klublarını təmsil edib.
Bu çətin anda düşüncələrimiz Kallumun ailəsi və dostları ilədir”, – İrlandiya Futbol Federasiyasının mətbuat xidməti “X” sosial media platformasında yayımlanan açıqlamada bildirib.
