ABŞ Mərkəzi Komandanlığı İraqın qərbində qəzaya uğrayan KC-135 Stratotanker yanacaq doldurma təyyarəsində olan ekipaj üzvlərindən 4 nəfərin öldüyünü açıqlayıb.
Məlumata görə, təyyarədə ümumilikdə 6 ekipaj üzvü olub və axtarış-xilasetmə işləri davam edir. İlkin araşdırmalara əsasən, qəza dost və ya düşmən atəşi nəticəsində baş verməyib.
Hadisə ilə bağlı araşdırma aparılır. Hərbçilərin kimliyi isə yaxınlarına məlumat verildikdən sonra açıqlanacaq.
