Ermənistanın Baş naziri Nikol Paşinyan aprelin 2-də keçirdiyi brifinq zamanı jurnalistlə sözlü mübahisə edib.
Referans Media yerli mediaya istinadən xəbər verir ki, jurnalist müxtəlif tədbirlər zamanı hüquq-mühafizə orqanlarının əməkdaşlarının onun işinə mane olması ilə bağlı sual ünvanlayıb.
Paşinyan isə sərt reaksiya verərək, jurnalistin davranışını tənqid edib və ona sualı qısa şəkildə verməyi tövsiyə edib.
“Sən həmişə onların yoluna çıxırsan. Onların sənin üstündən keçmədiklərinə minnətdar olmalısan. Sualını ver və sus, əks halda səni buradan aparacaqlar. Sus!” — o bildirib.
