ABŞ prezidenti Donald Trampın xüsusi nümayəndəsi Stiv Uitkoff və prezidentin kürəkəni Cared Kuşner yanvar ayında Rusiya prezidenti Vladimir Putinlə görüşmək üçün Moskvaya səfər etməyi planlaşdırırlar.
Referans Media xəbər verir ki, bu barədə Bloomberg mənbələrə istinadla məlumat yayıb.
Mənbələrin bildirdiyinə görə, görüş bu ay baş tuta bilər. Lakin onlar vurğulayıblar ki, planlar hələ tam təsdiqlənməyib və İranda artıq iki həftədən çoxdur davam edən iğtişaşlarla bağlı hadisələr səbəbindən səfərin vaxtı dəyişdirilə bilər.
