Referans Medi-nın əldə etdiyi məlumata görə, Avropa Futbol Assosiasiyaları İttifaqı (UEFA) heyət xərclərinin tənzimlənməsi qaydalarına riayət etməyən "Fənərbağça" klubunu böyük məbləğdə cərimələyib.
İstanbul nəhəngi yol verdiyi maliyyə pozuntusuna görə 7 milyon avro ödəməli olacaq.
Araşdırmalar nəticəsində məlum olub ki, Türkiyə təmsilçisi 2025-ci il təqvim dövründə futbolçuların və texniki heyətin saxlanılması üçün ayrılan büdcənin ümumi gəlirlərə olan 70 faizlik nisbətini keçib. Qurumun qoyduğu bu kritik limiti aşması klubu rəsmən qayda pozuntusu ilə üz-üzə qoyub.
Avropanın digər nəhəngləri də hədəfdədir
Maliyyə intizamına riayət etməyən tək klub "Fənərbağça" deyil. UEFA-nın Klubların Maliyyə Nəzarəti Orqanının Birinci Palatası analoji səbəblərdən Avropanın bir neçə digər tanınmış komandasına qarşı da sanksiya qərarları çıxarıb. Maliyyə qaydalarını pozduğu üçün cəzalandırılan klubların siyahısı belədir:
"Çelsi" (Chelsea F.C.)
"Aston Villa" (Aston Villa F.C.)
"Nyukasl Yunayted" (Newcastle United F.C.)
"Nottingem Forest" (Nottingham Forest F.C.)
"Nitsa" (OGC Nice)
"Strasburq" (RC Strasbourg Alsace)
"Fiorentina" (ACF Fiorentina)
AEK (AEK Athens F.C.)
//Musavat.com
