Vaşinqtonda Ağ Ev Müxbirləri Assosiasiyasının şam yeməyi zamanı baş verən atışmadan sonra çəkilən görüntülər yayılıb.
Referans Media xəbər verir ki, kadrlarda tədbir zalında yaşanan qarışıqlığın izləri görünür.
Atışmadan sonra şam yeməyi masalarının üstündə yarımçıq qalmış yeməklər, içkilər, boşqablar və tələsik tərk edilmiş yerlər diqqət çəkib. Zalda qonaqların qəfil təxliyə edildiyi, bəzi masaların ətrafında isə qarışıqlıq yarandığı görünür.
Məlumata görə, bir neçə silahla silahlanmış şəxs təhlükəsizlik nəzarət məntəqəsini yarmağa cəhd edib. Hüquq-mühafizə orqanları təkbaşına hərəkət etdiyi bildirilən silahlı şəxsi hadisə yerində saxlayıblar.
Bildirilir ki, şübhəli şəxs ABŞ Məxfi Xidmətinin əməkdaşına atəş açıb. Yaralanan agent isə cavab atəşi açıb.
Hadisədən sonra tədbir iştirakçıları təxliyə olunub, ərazidə təhlükəsizlik tədbirləri gücləndirilib.
İnsidentlə bağlı araşdırma aparılır.
