Bu gün Zaqataladan olan Qarabağ müharibəsi şəhidi Hüseyn Allahyarovun anım günü idi.
Referans Media Bizim.Media-nın yerli bürosuna istinadən xəbər verir ki, şəhidin anım mərasiminə ailə üzvləri, şəhid ailələri, qazilər və çox sayda ictimaiyyət nümayəndəsi qatılıb.
Bildirilib ki, Hüseyn Allahyarov 1993 cü il mart ayının 3-də ordu sıralarına çağrılıb. Müxtəlif döyüş bölgələrində olub, ağır döyüşlərə qatılıb. 1997-ci ilin bu günündə döyüş mövqeyində, Aşağı Abdürəhmanlı istiqamətində gedən döyüşlərdə düşmən tərəfindən atılan güllə nəticəsində şəhidlik zirvəsinə yüksəlib.
Anım mərasiminə qatılanlar Hüseynin məktəb illərindən, gəncliyindən, döyüşlərə qatılmasından və keçdiyi şərəfli ömür yolundan bəhs edib, onun qəhrəmanlıqla dolu həyatınndan qürurla bəhs ediblər.
Şəhid anası Səlminaz Allahyarova mərasimə qatılanlara ailəsi adından təşəkkür edib və diqqətə çatdırıb ki, bu vətən hər bir vətəndaşın and yeri, iman yeridir.
Ona görə Hüseynin də vətən uğrunda şəhid olması onun ailə tədbiyəsi və vətənə olan bağlılığından, sədaqətindən irəli gəlirdi.
