Türk kinosunun sevilən simalarından biri olan Gülşen Bubikoğlu, uzun illər sonra paylaşılan son şəkilləri ilə yenidən diqqət mərkəzinə düşüb.
Referans Media xəbər verir ki, 72 yaşını qeyd edən Bubikoğlu, illərin ona təsir etmədiyini göstərən təbiilik və zəriflik nümayiş etdirib. Usta aktrisanın sosial mediada paylaşılan şəkilləri qısa zamanda izləyicilər tərəfindən böyük maraq və bəyənmə toplayıb.
“Yeşilçam” dövrünün ən sevilən qadın aktyorlarından biri kimi yadda qalan Bubikoğlu, 2024-cü ildə həyat yoldaşı Türker İnanoğlunun vəfatından sonra sakit və gözlərdən uzaq bir həyat sürür. Lakin son dönəmdə pozları və sosial media paylaşımları ilə yenidən gündəmə gəlməyə başlayıb.
Aktrisanın paylaşdığı şəkillərə “Enerjik və nəşəli oyanmaq” qeydi əlavə edilib və bu paylaşımlar izləyicilər tərəfindən alqışlarla qarşılanıb.
Yeşilçam nostaljisi yenidən canlanıb, Bubikoğlu isə həm zərifliyi, həm də enerjisi ilə izləyicilərin sevgisini qazanmağa davam edir.
