ABŞ Prezidenti Donald Trampın İran siyasətində diplomatiyaya üstünlük verdiyi açıqlansa da, Ağ Evdən gələn son bəyanat bölgədə narahatlığa səbəb olub. Ağ Ev sözçüsü Karolin Livitt jurnalistlərə bildirib ki, Tramp lazım gəldikdə ABŞ ordusunun öldürücü gücünü istifadə etməyə hazırdır.
Karolin Livitt açıqlamasında deyib: “Prezident Trampın ilk seçimi həmişə diplomatiyadır; lakin lazım gəldikdə ABŞ ordusunun öldürücü gücünü tətbiq etməyə hazırdır.”
Referans Media xəbər verir ki, bu bəyanat, İranla dolaylı nükleer danışıqların üçüncü turu öncəsi verilib. Danışıqlar Cenevre-də, Oman-ın vasitəçiliyi ilə Perşənbə günü keçiriləcək.
Karolin Livitt, İyun ayında həyata keçirilən və İranın nüvə obyektlərinə zərbə endirdiyi Gecəyarısı Çəkic Əməliyyatına da toxunub: “Bu əməliyyat son dərəcə uğurlu oldu, amma təhdid hələ tam aradan qalxmayıb. İran ABŞ-ı və xaricdəki müttəfiqlərimizi birbaşa təhdid edə biləcək nüvə proqramı yenidən qurmağa cəhd edə bilər.”
Livitt həmçinin mediadakı bəzi xəbərlərə cavab olaraq vurğulayıb ki, Tramp hələ də yekun qərar vericidir və yaxın zamanda keçiriləcək Birliyin Vəziyyəti (State of the Union) çıxışında xaricdəki təhdidlərə toxunacaq.
Son həftələrdə ABŞ təyyarədaşıyanları və bombardman təyyarələrinin Orta Şərqə göndərilməsi bölgədə gərginliyi artırıb. İranın ABŞ və müttəfiqlərinə qarşı “Amerikaya Ölüm” şüarları hələ də təhlükənin davam etdiyini göstərir.
