Alimlər gələn ay başlayacaq DÇ-2026 öncəsi oyunçulara və azarkeşlərə vacib bir xəbərdarlıq ediblər.
Referans Media xəbər verir ki, bir qrup alimdən ibarət “World Weather Attribution” təşkilatı tarixdə ilk dəfə 3 ölkədə 48 komandanın iştirakı ilə keçiriləcək Dünya Kuboku ərəfəsində qlobal istiləşmə risklərinin oyunçulara və azarkeşlərə potensial təsirini təhlil etmək üçün iqlim modellərindən istifadə ediblər.
Təhlillər göstərir ki, insan fəaliyyətinin yaratdığı iqlim dəyişikliyi isti hava şəraitini əhəmiyyətli dərəcədə artırıb və bu da insanların açıq hava stadionlarında və festivallarda təhlükəsiz şəkildə iştirakını daha da çətinləşdirə bilər.
DÇ-nin 104 oyununun hər birinin qlobal oyunçular ittifaqı FIFPRO tərəfindən müəyyən edilmiş əsas təhlükəsizlik qaydalarını aşan şəraitdə oynanılma ehtimalını araşdıran təhlilə görə, oyunçular və azarkeşlər DÇ-2026-nın eyni qitədə keçirilən 1994-cü il turniri ilə müqayisədə daha yüksək temperatur və rütubət riski ilə üzləşəcək.
Turnir boyunca bütün matçların təxminən 25 %-nin QLT temperaturunun 26 dərəcə Selsidən çox olduğu şəraitdə oynanılması ehtimalı var. QLT bədənin özünü nə qədər effektiv şəkildə soyuda biləcəyini nəzərə alan bir indeksdir.
Sözügedən 26 dərəcəlik səviyyə, FIFPRO-nun soyutma kimi təhlükəsizlik tədbirlərinin tətbiq edilməsini tövsiyə etdiyi səviyyədir.
WBGT havasının 28 dərəcədən (quru havada təxminən 38 dərəcəyə bərabər) yuxarı olduğu şəraitdə təxminən beş matçın keçirilməsi gözlənilir. Bu temperaturlar FIFPRO tərəfindən idman üçün təhlükəli hesab edilir və matçların təxirə salınması tövsiyə olunur.
Soyutma sistemləri matçların və tədbirlərin keçiriləcəyi 16 məkandan 3-də risklərin bir hissəsini azaldır, lakin 26 dərəcə Selsi WBGT-ni keçmə ehtimalının ən azı 10-dan 1-i olan matçların üçdə birindən çoxu Mayami, Kanzas Siti, Nyu-York və Filadelfiya da daxil olmaqla kondisioneri olmayan məkanlarda oynanılacaq. Təhlükəli dərəcədə yüksək temperatur riski xüsusilə bu şəhərlərdə - Mayami və Kanzas Sitidə yüksək hesab olunur.
London İmperial Kollecinin Ekstremal Hava və İqlim Dəyişikliyi üzrə tədqiqatçısı Coys Kimutai təhlillə bağlı şərh verərək bildirib ki, bu gün turnirin keçirildiyi iqlim qitədə 1994-cü il turnirindən bəri kökündən dəyişib.
"Təşkilatçılar Mayami və Kanzas Siti kimi yüksək riskli, kondisionersiz yerlərdəki bəzi matçları günün sonuna keçirməklə riski azaltmağa çalışsalar da, oyunçuların və azarkeşlərin təhlükəli şəraitdə keçirilən matçlarla qarşılaşma riski çox yüksək olaraq qalır", - alim bildirib.
