Avstraliya Xarici İşlər Nazirliyi, İran ətrafındakı gərginlik səbəbindən İsrail, Livan, Bəhreyn, Küveyt, Qətər və Birləşmiş Ərəb Əmirlikləri (BƏƏ) üçün səfər xəbərdarlıqlarını ən yüksək səviyyəyə, yəni “səfər etməyin” kateqoriyasına yüksəltdiyini açıqladı.
Referans Media xəbər verir ki, Avstraliya xarici işlər naziri Penni Vonq, yayımladığı açıqlamada ölkəsinin İran əməliyyatlarına qatılmadığını və gələcəkdə də iştirak etməyi düşünmədiklərini vurğulayıb. Penni Vonq bildirdi ki, Avstraliya Yaxın Şərqdəki gərginliklərin birbaşa mərkəzində deyil, lakin regiondakı vəziyyətlə əlaqədar lazım gəldikdə yeni sanksiyalar tətbiq edə bilər.
Nazir vətəndaşlara müraciət edərək, xəbərdarlıq verdiyi ölkələrdə olan Avstraliya vətəndaşlarının “derhal ölkədən çıxmasını” tövsiyə etdi. Qeyd olunub ki, bu tədbir İran ətrafındakı əməliyyatlar və regional təhlükəsizlik risklərinin artması səbəbindən həyata keçirilir.
Avstraliya Xarici İşlər Nazirliyi, vətəndaşların öz təhlükəsizliklərini ön planda tutaraq, gediş-gəliş planlarını yenidən nəzərdən keçirmələrini və mümkün qədər riskli bölgələrdən uzaq durmalarını tövsiyə edir.
