İçməli suda xlor son vaxtlar aktual mövzudur. Bir çox insanı gündəlik istifadə etdiyimiz suda xlorun olub-olmaması və onun təsiri şübhələndirir.
Krant suyunu təmiz və mikrobioloji cəhətdən təhlükəsiz saxlamaq üçün istifadə edilən xlor son illərdə müzakirə mövzusuna çevrilib.
Referans xarici mediaya istinadən xəbər verir ki, mütəxəssislər müəyyən nisbətdə istifadə edilən xlorun suyun dezinfeksiya edilməsində təsirli olduğunu, lakin həddindən artıq miqdarda xlorun sağlamlıq üçün təhlükə yarada biləcəyini bildirirlər.
Xlorlu suyun uzun müddət istifadəsi dərinin qıcıqlanmasından mədə narahatlığına qədər müxtəlif mənfi təsirlərə səbəb ola bilər və xüsusilə, həssas insanlarda daha ciddi sağlamlıq problemləri yarana bilər.
Səhiyyə orqanları içməli suda xlorun miqdarının Ümumdünya Səhiyyə Təşkilatının müəyyən etdiyi hədlər daxilində saxlanmalı olduğunu vurğulayır.
Ev şəraitində sadə filtrlər və su kondisioner üsullarından istifadə etməklə xlor səviyyəsinin aşağı salına biləcəyi də bildirilir.
İçməli suda həddindən artıq xlor uzun müddətdə dəri quruluğu, saç tökülməsi, mədə və bağırsaq xəstəlikləri kimi sağlamlıq problemlərinə səbəb ola bilər.
Bundan əlavə, həssas insanlarda allergik reaksiyalar və tənəffüs problemləri yarana bilər.
