ABŞ və İsrailin İran-a qarşı həyata keçirdiyi son hücumlar və Dini Lider Ayətullah Əli Xamenein öldürülməsi İran daxilində təhlükəsizlik və kəşfiyyat zəifliklərini gündəmə gətirib.
Referans Media xəbər verir ki, bu kontekstdə, keçmiş prezident Mahmud Əhmədinejadın illər əvvəlki Mossad iddiaları yenidən diqqət mərkəzinə çıxıb.
Mahmud Əhmədinejad açıqlamışdı ki, İran Mossad agentlərinə qarşı xüsusi bir kəşfiyyat bölməsi yaratmışdı, lakin bu bölməsinin başçısı və içindəki 20 agent əslində İsrail kəşfiyyatının nəzarətində fəaliyyət göstərmişdi. Keçmiş prezident iddia edirdi ki, bu şəxslər İranın nüvə və hərbi proqramları ilə bağlı gizli məlumatları İsrailə ötürüb.
MKİ-nın əldə etdiyi dəqiq məlumatlar ABŞ və İsrail əməliyyatlarının uğurunu təmin etdi. Xəbərlərə görə, əməliyyat zamanı Xamenein hərəkət vərdişləri və yerləşdiyi binalar izlənmiş, bu məlumatlardan uzun mənzilli və yüksək dəqiqlikli raket hücumunda istifadə olunmuşdur.
Hücum İsrailin hava qüvvələri tərəfindən səhər saatlarında başladılıb və əməliyyatda yalnız seçilmiş təyyarələr istifadə olunub. Xamenein yaxınlıqda olduğu bina seçilmiş, digər yüksək vəzifəli rəsmi şəxslər isə eyni kompleksdə olub. Analitiklər bu nəticəyə gəliblər ki, uzun müddət davam edən Mossad sızmaları və İran kəşfiyyatındakı boşluqlar əməliyyatın uğuruna zəmin hazırlayıb.
İranın kəşfiyyat strukturlarında baş verən sızma və agent infiltrasiya məsələləri, yalnız keçmiş prezidentin açıqlamaları ilə deyil, son əməliyyatın detallarında da təsdiqlənir. Bu, ölkə daxilində təhlükəsizlik siyasətinin yenidən gözdən keçirilməsinə ehtiyac olduğunu göstərir və regional güc balansını ciddi şəkildə təsir edə bilər.
