Dünya ölkələrində məcburi hərbi xidmət müddəti bir-birindən xeyli fərqlənir. Bəzi ölkələrdə bu müddət cəmi 2-3 ay olduğu halda, bəzilərində aylarla davam edir.
Maraqlıdır, bəs ən uzun hərbi xidmət müddəti hansı ölkədədir?
Referans Media xəbər verir ki, hərbi xidmət müddəti ölkələr üzrə dəyişir.
Braziliyada bu müddət 10-12 ay, Meksikada 12 ay təşkil edir. Kolumbiyada hərbi xidmət məcburidir, lakin müddəti dəyişkəndir. Türkiyədə 6 ay, Yunanıstanda isə 9-12 ay davam edir. Azərbaycanda hərbi xidmət müddəti 12-18 ay arasında dəyişir. Danimarkada bu göstərici 4-12 ay, Avstriyada isə 6-9 aydır.
Daha uzun müddət tətbiq edən ölkələr də var. Belə ki, Cənubi Koreyada hərbi xidmət 18-21 ay, İranda 18-24 ay davam edir. Siyahıda ən yüksək göstərici isə Vyetnamdadır. Bu ölkədə vətəndaşlar 24 aydan 36 aya qədər hərbi xidmət keçirlər.
Beləliklə, təqdim olunan məlumatlara əsasən, ən uzun məcburi hərbi xidmət müddəti Vyetnamda qeydə alınıb. Bu fərqlər ölkələrin təhlükəsizlik siyasəti və hərbi
strategiyaları ilə izah olunur./sfera.az
