İranın xarici işlər naziri Abbas Araqçi misirli həmkarı Bədr Əbdül Ati ilə telefon danışığı keçirib və onlar regionda gərginləşən vəziyyəti müzakirə ediblər.
Ərəb KİV-lərinin məlumatına görə, Araqçı İsrailin ekspansionist və aqressiv siyasətinə qarşı çıxmaq üçün vahid regional mövqenin işlənib hazırlanmasının vacibliyini vurğulayıb.
Buna cavab olaraq misirli nazir Qahirənin Suriyanın ərazi birliyinin qorunmasına dəstəyini ifadə edib.
Bu arada Qətər əmiri Şeyx Təmim bin Həməd Al Tani də Suriya prezidenti Əhməd əl-Şara ilə telefon danışığı aparıb. Əmirlik məhkəməsinin yaydığı rəsmi bəyanatda Şeyx Təmim Suriya xalqı ilə həmrəy olduğunu bildirib və ölkənin suverenliyi və ərazi bütövlüyünün möhkəmləndirilməsinə, eləcə də sabitliyi pozmaq cəhdlərinin qarşısının alınmasına yönələn bütün səyləri tam dəstəkləməyə söz verib.
Qətər əmiri İsrailin Suriya ərazisinə son hava zərbələrini kəskin şəkildə pisləyib və bunu ölkənin suverenliyinin, beynəlxalq hüququn və BMT Nizamnaməsinin kobud şəkildə pozulması kimi xarakterizə edib. O, bu hərəkətləri regional sabitliyə potensial təhlükə adlandırıb.
Prezident əl-Şaraa öz növbəsində Qətərə göstərdiyi dəstəyə görə minnətdarlığını bildirib
Görünən odur ki, Suriya böhranı çoxdan bir ölkənin daxili işi olmaqdan çıxıb, İran, Misir, Qətər, Türkiyə, İsrail və ABŞ-ın maraqlarının üst-üstə düşdüyü geosiyasi sövdələşmə və gərginlik meydanına çevrilib.//Globalinfo.az
