Londonda etirazçılar İran səfirliyinin bayrağını bir həftə ərzində ikinci dəfə endiriblər.
Referans Media xəbər verir ki, bu barədə “Telegraf” məlumat yayıb.
Bildirilib ki, şəhərin Kensinqton rayonunda bir nümayişçi səfirliyin eyvanına qalxaraq bayrağı çıxararaq yerə atıb və üzərində “Şir və Günəş” əks olunmuş şah dövrünün bayrağını qaldırıb.
Məlumata görə, polis nümayişçini həbs edib. Qarşıdurma zamanı bir neçə polis işçisi yüngül xəsarət alıb.
Daha sonra polis ərazidə təhlükəsizliyi artıraraq əlavə həbs əməliyyatları həyata keçirib.
