“İqtisadi, xüsusən də valyuta sahəsində sabitliyin təminatı xalqın haqlı tələblərindən biridir”.
Referans Media xəbər verir ki, bunu İranın Təhlükəsizlik Şurasının katibi Əli Laricani deyib.
O, etirazların tamamilə anlaşılan olduğunu bildirib.
” Lakin xalqın iqtisadi tələbləri ilə heç bir əlaqəsi olmayan dağıdıcı bir hərəkat da meydana çıxıb. Onlar etirazlardan sui-istifadə edərək çox zorakı və cinayətkar davranışlara əl atıb, o cümlədən insanları öldürmək, şəxsləri yandırmaq kimi zorakılıq aktları törədib. Qarşıdurma və toqquşma yaradanlar ağır cəza ilə üzləşəcəklər”, – Laricani vurğulayıb.
