Xalq artisti Ağadadaş Ağayev mahnılarının başqaları tərəfindən oxunmasından danışıb.
Müğənni bu haqda “Günə uğurla” verilişində söz açıb.
Sənətçi bildirib ki, öz ifalarını heç vaxt bəyənmir:
“Mənim mahnılarımı çox oxuyan var. Hər birinin öz çalarları olur. Mənim nəfəslərimlə oxumayacaqlar ki… Hərəsinin öz üslubu, rəngi var. Bir mahnını yazdırıram, qulaq asanda o qədər fikirləşirəm ki, gərək bunu başqa cür edərdim, burasını belə oxumazdım. Özümə qulaq asmaq mənə zülm verir. Xasiyyətim belədir. Başqaları oturur güzügünün qabağında oxuyur, özünə tərif yağdırır”. (Axşam.az)
