Yaponiyanın ABŞ-ın Sakit okeanda keçirdiyi hərbi təlimlərə qatılması Rusiyanı ciddi narahat edib.
Rusiya Xarici İşlər Nazirliyi bununla bağlı Yaponiyanın Moskvadakı səfirliyinə etiraz məktubu göndərib.
Nazirlik bildirib ki, təlimlər Rusiyanın Uzaq Şərq sərhədlərinə yaxın ərazidə yerləşən hərbi təlim bazalarında keçiriləcək. Bu isə ölkənin təhlükəsizliyinə təhdid kimi qiymətləndirilir.
“Bu cür hərəkətlər Rusiya Federasiyasının təhlükəsizliyinə potensial təhdiddir və adekvat əks tədbirlər görüləcək”, – deyə XİN-in məktubunda vurğulanıb./Globalinfo.az
