Günəşlə Saturn arasında kvadrat bucaq yaranır, təsir müddəti 4 gün davam edəcək. Tanınmış astroloq Dinçer Güner “bir neçə gün ehtiyatlı olun” deyərək 12 bürc üçün mühüm xəbərdarlıqlar paylaşıb.
16 dekabr 2025 – Bürcləri nələr gözləyir?
Dinçer Günerin Qoç, Buğa, Əkizlər, Xərçəng, Şir, Qız, Tərəzi, Əqrəb, Oxatan, Oğlaq, Dolça və Balıq bürcləri üçün ümumi şərhi belədir:
Günəş–Saturn kvadrat bucağı səbəbindən karyera ilə bağlı mövzularda çətinliklər və maneələr yarana bilər. Bu günlərdə:
Yeni iş qurmaq, işlə bağlı ciddi qərarlar vermək, iş tapmaq və ya vəzifədə yüksəlmək olduqca çətin görünür. Məsuliyyətlər arta bilər. Daşıya biləcəyinizdən artıq yük götürməməyə xüsusi diqqət yetirməlisiniz. Zamanın düzgün idarə olunması əsas mövzuya çevrilir və üzərinizdəki iş yükü sizi yorub sıxa bilər. Bu dövrdə lazımsız risklərdən uzaq durmaq, daha tədbirli və planlı hərəkət etmək faydalıdır. Bir işi görərkən qarşınıza tez-tez maneələr, gecikmələr və əngəllər çıxa bilər. Hakimiyyət və rəhbər mövqedə olan şəxslərlə münasibətlər gərginləşə bilər. Enerji səviyyəniz düşə, özünüzü fiziki və ruhi baxımdan zəif hiss edə bilərsiniz.
Sağlamlıq xəbərdarlığı
Bu müddətdə xüsusilə: dişlər, sümüklər, dəri, diz qapaqları, oynaqlar həssaslaşa bilər. Bu transit, çox vaxt insanın artıq daşımaqda çətinlik çəkdiyi, lakin müəyyən səbəblərdən tərk edə bilmədiyi yük və məsuliyyətləri simvolizə edir.
Mars Oğlaqda: Karyera üçün ilin ən güclü dövrü
Astroloq Dinçer Güner 15 dekabr tarixli paylaşımında diqqətçəkən başqa bir məqama da toxunub: “Karyera baxımından ilin ən gözəl dövrlərindəyik – Mars 23 yanvara qədər Oğlaq bürcündədir.” Mars hərəkət, motivasiya, mübarizə və iradəni təmsil edir. Oğlaq isə struktur, sistem, məsuliyyət və zirvəyə aparan uzun yolu simvolizə edir. Mars Oğlaq bürcündə ucalır, yəni ən güclü və məhsuldar mövqedə olur.
Bu dövrdə:
“Etsəm, etməsəm?” tərəddüdləri sona çatır, yerini “necə edim və nə vaxt bitirim?” planlaması tutur, az söz, çox iş prinsipi ön plana çıxır. Soyuqqanlı, dözümlü və hədəfə kilidlənmiş bir enerji hiss olunur. Ani emosional partlayışlar azalır, yerini hesablanmış və strateji addımlar alır. Qısamüddətli həvəslər deyil, uzunmüddətli uğurlar motivasiya mənbəyinə çevrilir.
Bu dövr: karyera pillələrini qalxmaq, iş axtarmaq, iş müraciətləri etmək, yeni biznes qurmaq üçün ilin ən əlverişli zamanlarından biridir. Rəhbərlər, dövlət qurumları və rəsmi instansiyalarla əlaqələrdə daha ciddi və nəticəyönümlü irəliləyiş mümkündür. Liderlik bacarıqlarını nümayiş etdirmək üçün ideal şərait yaranır. Normalda “çox yoruldum, buraxıram” deyəcəyiniz layihələrdə belə, özünüzdə davam etmək gücü tapa bilərsiniz.
Pul, sağlamlıq və həyat tərzi
Pul məsələlərində riskli addımlar deyil, təhlükəsiz və planlı böyümə ön planda olacaq. Sağlamlıq astroloji baxımdan Mars Oğlaqda: sümükləri, dişləri, dizləri, dərini idarə edir. Bu səbəbdən diş müayinəsi, ortopedik yoxlanışlar və dəri baxımına başlamaq üçün uyğun dövrdür. Lakin yıxılmalara, çarpmalara və diz zədələrinə qarşı diqqətli olmaq lazımdır. Pəhrizə başlamaq, siqareti tərgitmək və ya idmana yazılmaq üçün isə ilin ən güclü zamanlarından biri hesab olunur. İradə güclənir və çətinliklər qarşısında geri çəkilmək ehtimalı azalır.
