Türkiyə Xarici İşlər Nazirliyi Ermənistanda keçirilən parlament seçkilərinin sülh və sabit şəraitdə başa çatmasından məmnunluğunu ifadə edib.
Referans Media xəbər verir ki, bu barədə Türkiyə XİN-in yaydığı açıqlamada bildirilib.
Qeyd olunub ki, Ankara seçkilərdən sonrakı dövrdə Ermənistanın regionda sülhün və münasibətlərin normallaşmasının təmin edilməsi istiqamətində daha cəsarətli addımlar atacağına ümid bəsləyir.
“Seçkilərin sülh və əmin-amanlıq şəraitində başa çatmasından məmnunuq. Postseçki dövründə Ermənistanın sülh və regionda normallaşma istiqamətində daha qətiyyətli addımlar atacağını gözləyirik”, – açıqlamada deyilir.
Türkiyə XİN vurğulayıb ki, ölkə bundan sonra da region dövlətlərinin ümumi maraqlarına əsaslanan sabitlik və rifahın təmin olunmasına töhfə verməyə davam edəcək.
/Globalinfo.az
