“Çox təhlükəli hadisələr baş verir. Yayladağı, Bayırbucak türkmənlərinin doğma şəhəridir. Bu, Hatayın bir bölgəsidir. Buna baxmayaraq, separatçılar və onların siyasi qüvvələri Yayladağına gəlir və icazə ilə “Hələbdə qırğın var” iddiası ilə bəyanat oxuyurlar. Onlar ictimaiyyəti açıq şəkildə qızışdırırlar”.
Bu sözləri Türkiyə Dənizçilik və Qlobal Strategiyalar Mərkəzinin (Türk DEGS) başkanı, Topqapı Universitetinin müəllimi və ehtiyatda olan kontr-admiral Prof. Dr. Cihat Yaycı deyib.
“Onlar Yayladağında SDG/PKK terrorçularının Hələbdən çıxarılmasına etiraz edir, terror təbliğatı aparır. Onlar Kürdüstan şüarları səsləndirirlər. Burada açıq-aşkar bir təxribat, qəsdən edilən bir təxribat var. Bu necə mümkündür? Buna kim icazə verir? Yayladağı kimi Türkiyə üçün simvolik və həssas bir bölgədə hansı idarəçi belə bir təxribata icazə verər? Mən buna inanmaqda çətinlik çəkirəm. Separatçı bəyanatların xüsusilə Yayladağında oxunması təsadüf deyil, bu, qəsdən edilmiş açıq təxribatdır”.//globalinfo.az
