Göyçay şəhərində irigövdəli çinar ağacı avtomobilin üzərinə aşıb.
Referans Media xəbər verir ki, hadisə şəhərin Əli Kərim küçəsində qeydə alınıb.
Məlumata görə, yol kənarında yerləşən nəhəng çinar ağacı qəfil aşaraq yaxınlıqda park edilmiş minik avtomobilinin üzərinə düşüb. Nəticədə nəqliyyat vasitəsinə ciddi ziyan dəyib.
Hadisə zamanı avtomobildə və ətrafda insanların olmaması mümkün faciənin qarşısını alıb. Xoşbəxtlikdən xəsarət alan olmayıb.
Əraziyə aidiyyəti qurumların əməkdaşları cəlb olunub, ağacın qalıqlarının götürülməsi və yolun açılması istiqamətində tədbirlər görülüb.
